Şimali Koreya Cənubi Koreyaya birləşdirən yolları partlatmağa başlayıb

Cənubi Koreya ordusu iki ölkəni birləşdirən yol hissələrinin partladılmasından sonra Şimalla möhkəmləndirilmiş sərhəd yaxınlığında xəbərdarlıq atəşi açdığını bildirib.

Sfera.az bildirir ki, iki ölkəni ayıran demarkasiya xəttinin şimalındakı yolun hissələri partladılıb. Bu barədə Cənubi Koreyanın Birləşmiş Qərargah Rəisləri Komitəsi məlumat yayıb.

Seulun hərbçiləri demarkasiya xəttinin cənubundakı ərazilərdə “cavab atəşi" açıblar. Şimali Koreya lideri Kim Çen In bu ilin əvvəlində Cənubu ölkəsinin “əsas düşməni” elan edəndən bəri Şimali Koreya ordusu artıq möhkəmləndirilmiş sərhədi boyunca yeni mina sahələri yerləşdirib, tank əleyhinə sədlər qoyub və nüvə silahı daşıya bilən raketlər yerləşdirib.

Ötən həftə Pxenyan Cənubi Koreyanın keçirdiyi hərbi təlimlərə cavab olaraq cənub sərhədini həmişəlik bağlayacağını bildirmişdi. Bazar ertəsi Seul gözlənilən yol partlayışları barədə xəbərdarlıq edib.

Keçən həftə Şimali Koreya da Seulu dronlardan Pxenyana təbliğat vərəqələri atmaqda istifadə etməkdə ittiham edib. Kim Çen öz növbəsində, təcili hərbi əməliyyatlar planını hazırlamaq üçün təhlükəsizlik iclası çağırıb.

Ekspertlərin fikrincə, iki ölkəni birləşdirən avtomobil və dəmir yolları çoxdan bağlanıb, lakin onların dağıdılması Kim Çen Inın Cənubla danışıqlara hazır olmadığına dair açıq siqnaldır.

Seuldakı Şimali Koreya Tədqiqatları Universitetinin prezidenti Yang Moojin bunu düşmən iki dövlət sistemi ilə əlaqəli praktiki hərbi tədbir adlandırıb. Şimal sərhəd boyunca daha çox fiziki maneələr qurmağa çalışa bilər və partlayışlar bu divarların tikintisinə hazırlıq ola bilər.

Seul ordusu əvvəlcə şimala pilotsuz təyyarələr göndərdiyini təkzib etsə də, sonra şərh verməkdən imtina edib.

Fəal qrupların adətən şarlar vasitəsilə şimala təbliğat vərəqələri göndərməsinin isə uzun tarixi var. Həvəskarlar həmçinin kiçik dronları KXDR-ə doğru atıblar.

Xanım

Sfera.az