Pilot infarkt keçirdi: Uçuş təcrübəsi olmayan qadın təyyarəni yerə endirdi
Las-Veqaslı heç bir uçuş təcrübəsi olmayan 69 yaşlı İvon Kinane-Uells pilot əri Eliot Alper infarkt keçirdikdən sonra təyyarənin idarəsini ələ keçirməyi bacarıb. O, Kaliforniya hava limanına təhlükəsiz eniş edib.
Sfera.az bildirir ki, İvon Kinane-Uells hava hərəkəti dispetçerinin göstərişlərinə əsasən təcili eniş edib. Qadın əvvəllər heç vaxt təyyarə sürməyib.
Əri dəniz səviyyəsindən 1,8 km hündürlükdə olarkən pilot oturacağının yanında əyləşən qadın qəfil onun pisləşdiyini görüb. O, dərhal hava dispetçerinə zəng edib. Dispetçer qadına təyyarəni endirməyə kömək edib. Amerikalı qadın əvvəllər heç vaxt təyyarə sürməsə də, onun başqa seçimi qalmayıb.
Cütlük Las-Veqasdakı Henderson hava limanından Kaliforniya ştatının Monterey şəhərinə uçarkən Alper infarkt keçirməyə başlayıb. Digər tərəfdən nəzarətçi Uellsə eniş üçün ətraflı məlumat verib, ona güc əlavə etməyi tövsiyə edib, sonra onu ən yaxın hava limanına yönəldib.
Bir neçə dəqiqədən sonra qadın həyatında ilk dəfə uğurlu təcili eniş edib.
Yerdəki fövqəladə hallar ekipajları eniş edən təyyarənin qarşılayıblar. İvon Kinane-Uells bütün 3.3 km uçuş-enmə zolağının hamısını dayanmadan qısa müddətə qət edib.
Kern Rayon Yanğından Mühafizə İdarəsi huşunu itirmiş Alperi dərhal xəstəxanaya çatdırsa da, onun həyatını xilas etmək mümkün olmayıb. Hava limanının direktoru Ron Brewster qeyd edib ki, o, heç vaxt İvon Kinane-Uells kimi eniş edən görməyib.
"Bildiyim qədər, bu, görünməmiş bir hadisədir. Mən bütün karyeram boyu belə bir şey görməmişəm".
Aynil
Sfera.az
