Yeni il gecəsi Bakıda atəşfəşanlıq olacaq
Cəmiyyət
10:40 / 27.12.2016
1449
Dünya Azərbaycanlılarının Həmrəyliyi Günü və Yeni il bayramı münasibətilə Dənizkənarı Milli Parkda atəşfəşanlıq olacaq.
Bu barədə Dənizkənarı Bulvar İdarəsinin rəis müavini Nazim Məcidov deyib.
O qeyd edib ki, 31 dekabrda əqrəblər gecə yarısını göstərəndə möhtəşəm atəşfəşanlıq olacaq və Bakı yeni ili qarşılayacaq.
"Konsert proqramı olmayacaq. Amma atəşfəşanlıq üçün artıq Bakı şəhər İcra Hakimiyyəti tərəfindən müraciət olunub və qurğular quraşdılır. Atəşfəşanlıq Bulvar ərazisində bir yerdə - estakadanın üzərində quraşdılıb”.
N.Məcidov qeyd edib ki, dekabrın 30-da bulvarda 15 yaşına qədər uşaqlar üçün aksiya keçiriləcək: "Bulvar ərazisindəki bütün atraksionlar saat 10:00-dan 14:00-a qədər pulsuz olacaq”.
