İçərisində 278 sərnişin olan qayıq batıb: Tələfat və itkilər var

Konqoda 278 sərnişini olan qayıq sahildən 700 metr aralıda çevrilərək batıb. 78 nəfər ölüb, onlarla insan itkin düşüb.
 

Sfera.az bildirir ki, qayıq bir neçə saniyə ərzində batıb. Sahildə yaxınlarının və dostlarının gəlişini gözləyən insanlar faciənin şahidi olublar. Qayıq yalnız 80 nəfəri daşımaq üçün nəzərdə tutulsa da, içərisində 278 nəfər olub.
 

Qayığın bölgədəki quru yollarının təhlükəsi səbəbindən həddindən artıq yükləndiyi bildirilir. Faciəli hadisə Kivu gölündə, MV Merdy Kituku limanında dayanmağa hazırlaşarkən baş verib.
 

Cənubi Kivu əyalətinin qubernatoru bildirib ki, hazırda ölənlərin sayı 78-ə çatıb.
 

"Dəqiq rəqəmlər ən azı üç gün ərzində müəyyən ediləcək, çünki hələ bütün cəsədlər tapılmayıb"- deyə Jan-Jak Pourisi bildirib.
 

Bölgədə hökumət qüvvələri ilə üsyançılar arasında gedən döyüşlər yolları təhlükəli və ya keçilməz hala gətirdiyi üçün gəmi həddindən artıq dolu olub.
 

Goma və Minova arasında ərzaq və digər ləvazimatlar daşıyan yük maşınları dayandırılır və ya axtarış edilir, bu da bir çox tacirləri Kivu gölündən mal daşımağa məcbur edir. Təhlükəsizlik həm də insanların əksəriyyəti üçün yol nəqliyyatının qiymətini əlçatmaz edib.

Aynil

Sfera.az