İtən neftçiləri 11 helikopter axtarır
Cəmiyyət
11:41 / 18.12.2015
941
“Günəşli” yatağında baş verən hadisə zamanı itkin düşən neftçilərin genişmiqyaslı axtarışlarına başlanılıb. Bu gün Fövqəladə Hallar Nazirliyinin (FHN) 3 gəmisi, Dövlət Sərhəd Xidmətinin (DSX) isə 5 gəmisi axtarışa başlayıb.
Bu barədə AzVision.az-a “Azneft” İstehsalat Birliyindən (İB) məlumat verilib.
Bildirilib ki, Fövqəladə Hallar Nazirliyinin 2 helikopteri, 1 təyyarəsi və Dövlət Sərhəd Xidmətinin (DSX) 9 helikopteri bu gün səhər saatlarından axtarışları davam etdirir.
Axtarışlar hələlik heç bir nəticə verməyib.
Qeyd olunub ki, hazırda “Günəşli” yatağında yanğın davam edir və yanğının söndürülməsi üçün ABŞ-dan gətirilən xüsusi qurğular dənizdə quraşdırılır və hazırlıq işləri davam etdirilir.
Xatırladaq ki, dekabrın 4-də saat 17:40 radələrində güclü tufan nəticəsində “Günəşli” yatağında faciə baş verib. Hadisə zamanı 33 nəfər xilas edilib, 7 nəfər həlak olub.
Hazırda 23 nəfərin axtarışı davam etdirilir.
