“Astan Şahverdiyevin mandatı ləğv edilməlidir”
Cəmiyyət
23:27 / 26.12.2016
10238
Hafiz Hacıyev: "Onun bu xalqı təmsil etməyə haqqı yoxdur”
Məlum olduğu kimi, millət vəkili Astan Şahverdiyev Biləsuvarda etiraz aksiyası keçirən cəbrayıllılar haqqında "cəmiyyətin tör-töküntüləri” ifadəsini işlədib. Bundan başqa, millət vəkili Rusiyaya gedən soydaşlarımımızı da "otxod” adlandırıb.
Maraqlıdr, millət vəkilinin təmsil etdiyi insanlar haqqında bu cür təhqiramiz ifadələr işlətməsi nə dərəcədə normaldır? Bu açıqlamadan sonra Astan Şahverdiyevin mandatının əlindən alınması məsələsi ortaya qoyula bilərmi?
Sfera.az bildirir ki, Politika.az-a açıqlama verən Müasir Müsavat Partiyasının sədri Hafiz Hacıyev A.Şahverdiyevin mandatdan dərhal məhrum edilməli olduğunu vurğulayıb:
"Təbii ki, A.Şahverdiyevin mandatı ləğv edilməlidir. Çünki o, bu açıqlaması ilə sübut etdi ki, bu xalqı təmsil etməyə mənəvi haqqı yoxdur. Bu şəxs dolana bilməyən, işıqsız-qazsız qalan vətəndaşların öz haqqını müdafiə etməsinə təhqiredici don geyindirir, onları aşağılayır.
Hesab edirəm ki, A.Şahverdiyev bu millət, bu millətin təmsilçiləri haqqında səsləndirdiyi məsuliyyətsiz fikirlərə görə cavab verməlidir. Yalnız o deyil, onu himayə edən, arxasında duran şəxslər, qüvvələr də buna görə cəzalandırılmalıdır. Şəxsən mən bu qüvvələrin aşkara çıxarılıb cəzalanmasını zəruri hesab edirəm”.
