Rusiya-Ukrayna münaqişəsinin başlamasına görə o günahlandırıldı
Belçikada NATO-nun keçmiş baş katibi Yens Stoltenberqə Ukraynada Rusiyaya qarşı münaqişənin başlanmasında iştirakına görə məhkəmə işi açılıb.
Sfera.az xəbər verir ki, iddiaçının özü, Fransa vətəndaşı Patrik Pazen Brüsseldə keçirdiyi mətbuat konfransında danışıb. O, sentyabrın 27-də iddia qaldırıb. Sənəddə NATO ölkələrinin Ukraynanın Rusiya ilə münaqişəyə hazırlaşmasına dair geniş arqument təqdim edilib.
Pazenin sözlərinə görə, Stoltenberq sülhə qarşı cinayət təşkil edən hərəkətlərdə günahkardır . O, həmçinin NATO-nun şərqə doğru genişlənməmək vədlərini rədd etməkdə və 2022-ci ilin yanvarında NATO-nun Rusiya Federasiyası ilə danışıqlarının uğursuzluğu da daxil olmaqla münaqişənin qarşısını almaq üçün diplomatik səyləri sabotaj etməkdə günahlandırılıb.
Yens Stoltenberq 2014-cü ildən 10 il Şimali Atlantika Alyansının baş katibi vəzifəsində çalışıb. Onu bu vəzifədə oktyabrın 1-də Hollandiyanın keçmiş baş naziri Mark Rutte əvəzləyib.
İnci
Sfera.az
