“Hizbullah” Livanın siyasi səhnəsindən silinəcək” - Politoloq

““Hizbullah” Livanın siyasi səhnəsindən silinəcək”.

Sfera.az bildirir ki, bunu politoloq Məhəmməd Əsədullazadə deyib.

Onun sözlərinə görə, İsrailin hərbi əməliyyatları bu təşkilatı kifayət qədər zəiflədəcək:

“Ümumiyyətlə, Yaxın Şərqdə İranın dəstək verdiyi proksi təşkilatların sıradan çıxarılması İsrail vasitəsilə həyata keçirilir. İran uzun illərdir, “Hizbullah” vasitəsilə İsrail  və Livan hakimiyyətini təhdid altında saxlayırdı. Təşkilatın zəiflədilməsi ilə Livanın İrandan tam asılılığına son qoyulacaq və Yaxın Şərqdə yeni bir siyasi nizam formalaşacaq. Bununla da  Livan siyasi sistemi sabitləşəcək”.

Politoloq qeyd edib ki, İran hakimiyyəti də proseslərin fərqindədir:

“Bu proses fonunda Vaşinqton və Tehran arasında konfidensial danışıqların aparılması istisna deyil. Lakin əgər İran “Hizbullah” və husilərə görə müharibəyə qatılarsa, ölkə daxilində parçalanma da qaçılmazdır”.

Günay