VII çağırış Milli Məclis İŞƏ BAŞLADI - YENİLƏNİB
Azərbaycan Respublikası Milli Məclisinin 2024-cü ilin payız sessiyasının ilk iclası keçirilir.
Sfera.az xəbər verir ki, əvvəlcə Milli Məclisin sədri Sahibə Qafarova payız sessiyasını açıq elan edib və Azərbaycanın Dövlət Himni səsləndirilib.
Sahibə Qafarova payız sessiyasının başlanması münasibətilə deputatları təbrik edib və Milli Məclisə qarşıdakı fəaliyyətində uğurlar arzulayıb.
11:03
Bu gün VII çağırış Azərbaycan Respublikası Milli Məclisi öz işinə başlayır.
Sfera.az xəbər verir ki, 2024-cü il payız sessiyasının ilk iclası saat 12:00-da keçiriləcək.
Sessiyanın ilk iclasında yeni seçilmiş VII çağırış Milli Məclisin üzvlərinə Azərbaycan Respublikası Mərkəzi Seçki Komissiyası tərəfindən vəsiqələr təqdim ediləcək.
Qeyd edək ki, qanuna görə, hər bir deputata Azərbaycan Respublikası Milli Məclisi deputatının vəsiqəsi və döş nişanı verilir.
Deputatın vəsiqəsinin və döş nişanının təsviri və onlar haqqında əsasnamələr Milli Məclisin qərarı ilə təsdiq edilir.
İclasda həmçinin VII çağırış Milli Məclisin ilk iclasında yaradılmış komitələrin tərkibi formalaşacaq.
Qeyd edək ki, Milli Məclisin 15 komitəsi var. Ötən iclasda komitələrin sədrləri və sədr müavinləri seçilib.
Firuzə Əliyeva
