Pakistanda helikopter qəzaya uğrayıb: Ölənlər və yaralananlar var
Pakistanın şimalında çarter uçuş həyata keçirən vertolyot qəzaya uğrayıb.
Sfera.az bildirir ki, qəza nəticəsində azı 6 nəfər ölüb, daha 8 nəfər yaralanıb. Mi-8 helikopteri neft hasilatı şirkəti tərəfindən icarəyə götürülüb.
Yaralılar Tal şəhərindəki hərbi xəstəxanaya çatdırılıb, ölənlər arasında Pakistan Hərbi Dəniz Qüvvələrinin iki zabiti və bir dənizçisi də var.
Agentliyin məlumatına görə, təyyarə havaya qalxdıqdan az sonra qəzaya uğrayıb. Qəza Əfqanıstanla sərhəd yaxınlığında, Şimali Vəziristan bölgəsində baş verib. Təyyarədə olan 14 nəfər arasında üç rus - iki pilot və bir ekipaj üzvü olub.
Helikopter şimaldakı Xayber-Paxtunxva əyalətində neft kəşfiyyatı və hasilat şirkəti “Mari Petroleum Limited” tərəfindən icarəyə götürülüb. Şirkət nümayəndəsi Mi-8 helikopterinin texniki səbəblərdən neft yatağı yaxınlığında qəzaya uğradığını bildirib. Şirkət sözçüsü qəzanın təhlükəsizlik vəziyyəti ilə heç bir əlaqəsi olmadığını iddia edib.
Helikopter havaya qalxdıqdan dərhal sonra texniki problemlər yaşayıb. Pilotlar təcili eniş etməyə cəhd etsə də, quyruq rotoru yerə dəydi. Helikopterin qəzaya uğramasından sonra faciənin səbəbləri və şəraitinin araşdırılmasına başlanılıb.
Qeyd edək ki, Pakistanda belə hallar az deyil. Ötən ilin sentyabrında Pakistan Hərbi Dəniz Qüvvələrinin iki zabiti və bir əsgəri Bəlucistanın Qvadar şəhərində helikopter qəzası nəticəsində həlak olub. Daha sonra qəzanın təlim zamanı yaranan texniki problemlərdən baş verdiyi açıqlanıb.
Aysel
Sfera.az
