Tramp Zelenskini TƏNQİD ETDİ: “Hər dəfə ABŞ-yə gələndə...”
Keçmiş prezident Donald Tramp Ukrayna prezidenti Vladimir Zelenskinin ABŞ-də keçiriləcək prezident seçkilərində Demokrat Partiyasını dəstəklədiyini iddia edib.
Sfera.az xəbər verir ki, ABŞ mediasında yer alan xəbərlərə görə, Tramp Pensilvaniya ştatında keçirilən mitinqdəki çıxışında Zelenskini nəzərdə tuturaq “onların (Demokratların) bu seçkidə qalib gəlməsini çox istəyir” şəklində iddia irəli sürüb.
Tramp kinayəli şəkildə ABŞ-dən milyardlarla dollar yardım alan Zelenskini tarixin ən böyük “marketoloqu” adlandırıb: “Hər dəfə ABŞ-yə gələndə 60 milyard dollar alır”.
Rusiya ilə Ukrayna arasında davam edən müharibənin dayandırıla biləcəyini irəli sürən Tramp vəzifədə olacağı təqdirdə Moskva ilə Kiyev arasında sülh razılaşmasının müzakirə oluna biləcəyini iddia edib. Tramp deyib ki, seçiləcəyi təqdirdə həm Zelenskiyə, həm də Rusiya prezidenti Vladimir Putinə zəng vuracaq və onları sülh razılaşması əldə etməyə təşviq edəcək.
Vasif
