Son 10 gündə ikinci: İki məktəbli helikopteri yandırdı

Rusiyanın Omsk şəhərindəki aviabazada iki məktəbli Mi-8 helikopterini yandırıb.

Sfera.az bildirir ki, kimsə bunun üçün yeniyetmələrə 20 min dollar ödəyəcəyini vəd edib. Belə ki, məktəblilər sentyabrın 21-i axşam saatlarında aviabazaya daxil olublar. Uşaqlar Mi-8 helikopterinə “Molotov kokteyli” ataraq hadisə yerindən qaçıblar.

Lakin, yeniyetmələr tezliklə saxlanılıb. Məlum olub ki, yanğına görə 16 yaşlı Roman və Anton məsuliyyət daşıyır. Yeniyetmələr bildiriblər ki, onlara Telegram tətbiqi vasitəsilə vertolyotu yandırmaq tapşırılıb. İşlərinə görə onlara külli miqdarda pul vəd edilib.
 

Həmçinin, məlumata görə, molotov kokteyli atılan helikopter istismardan çıxarılıb. Jurnalistlər yeniyetmələrə “Ukraynalı kuratorlar” tərəfindən görülən işlərə görə 20 min dollar vəd edildiyini bildiriblər. Eyni zamanda, "Ukraynalı kuratorlar" yanğından sonra itib və pul ödəməyiblər.


Mi-8 helikopteri: məlum olanlar
 

Adətən ikili məqsəd daşıyan çoxməqsədli helikopter 1995-ci ildən istifadə olunmağa başlayıb. Bu helikopter dünyada ən populyardır.
 

Qeyd edək ki, bu, ilk belə hal deyil. Belə ki, sentyabrın 11-də məktəblilər Noyabrskda Mi-8 helikopterini yandırıblar. Bunun üçün yeniyetmələrə 5 milyon rubl vəd edildiyi bildirilir. Uşaqlar təxribat zamanı yanıq xəsarətləri ilə həkimə getdikləri üçün saxlanılıblar.

Aynil