Əfsanəvi “ABBA” ulduzu 79 yaşında üçüncü dəfə evləndi - FOTO
Əfsanəvi “ABBA” qrupunun ulduzu Byorn Ulvaeus sevgilisi Kristina Saş ilə Kopenhagendə evlənib. Öz təbirincə desək, qadın onun "üçüncü böyük sevgisi"dir.
Sfera.az bildirir ki, 2022-ci ilin əvvəlində Byorn Ulvaeus ikinci evliliyinin bitdiyini elan edib. O, dərhal yeni bir qızla ictimaiyyət qarşısına çıxmışdı.
Byorn və Kristinanın 2021-ci ildə Nürnberqdə “ABBA”nın son albomu "Voyage"ın buraxılması münasibətilə tanış olduqları və 2022-ci ilin yazında görüşməyə başladığı bildirilir. Toy Kopenhagendə yaxın dostların və ailənin iştirakı ilə baş tutub.
Müğənni nikah mərasimi ilə bağlı məlumatları da İnstaqramda paylaşıb. Byorn Ulvaeus boz kostyum və ağ köynək geyinib. Kristina Saş klassik gəlinlik deyil, adaçayı rəngli paltar seçib.
İlk dəfə 2022-ci ildə ictimaiyyət qarşısında görünən cütlük bu yaxınlarda digər tədbirlərlə yanaşı, Wimbledon tennis turnirində də iştirak edib.
Qeyd etdiyimiz kimi, bu, Byorn Ulvaeusun üçüncü evliliyidir. 1970-ci illərdə qrup yoldaşı Agnetha Fältskog ilə evlənən musiqiçinin bu evlilikdən iki övladı var. Onların evliliyi doqquz il (1980-ci ilə qədər) davam edib. Ayrıldıqdan sonra 1980-ci illərin əvvəllərində Byorn yenidən evlənib.
Musiqi jurnalisti Lena Kellersjo ilə evliliyi təxminən 40 il davam edib. 2022-ci ilin əvvəlində cütlük boşanmaq istədiklərini açıqlayıb.
“Bir çox gözəl və doyumlu illərdən sonra biz yollarımızı ayırmağa qərar verdik”-deyə o vaxtkı bəyanatda bildirilib. Bir ay sonra Byorn Ulvaeus ilk dəfə Kristina Saş ilə ictimaiyyət qarşısına çıxıb.
Xatırladaq ki, 2024-cü ilin martında İsveç kralı XVI Karl Qustav son 50 ildə ilk dəfə görkəmli isveçlilərə kral cəngavər ordenləri verib. Onların arasında “ABBA” qrupunun musiqiçiləri də var idi. Mükafatla bağlı qərarı isə Karl özü verməyib. Ordenə namizədlər İsveç sakinləri tərəfindən irəli sürülüb, daha sonra Orden Şurası namizədləri krala təklif edib.
Aysel
Sfera.az
