Zelenskinin ofisi: "Qələbə planı 5 bənddən ibarətdir və 90 faiz..."

Volodimir Zelenskinin hazırladığı qələbə planına beş bənd daxildir. Onların arasında Qərbdən Kiyevə “müasir silahların” verilməsi də var.
 

Sfera.az xəbər verir ki, bu barədə Ukrayna mətbuatı dövlət başçısının ofisindəki mənbələrə istinadən məlumat yayıb.

İctimai telekanalın məlumatına görə, Zelenskinin “qələbə planı”nın dörd bəndinin bu ilin oktyabr-dekabr aylarında, beşinci bəndinin isə “müharibədən sonrakı dövrdə” həyata keçirilməsi planlaşdırılır. Sənəddə digər məsələlərlə yanaşı, Kursk vilayətinə hücumun davam etdirilməsi və Ukrayna Silahlı Qüvvələrinə “müasir silahların” verilməsi qeyd olunur.


Daha əvvəl Volodimir Zelenski ABŞ prezidenti Co Bayden, seçki namizədləri Donald Tramp və Kamala Harrisə təqdim edəcəyi qələbə planının 90%-dən çox hazır olduğunu bildirib. Ukrayna lideri vurğulayıb ki, sənəddə sadalanan addımlar “vəziyyətin düzgün inkişafını” təmin etməlidir.
 

Rusiya prezidentinin mətbuat katibi Dmitri Peskov isə Zelenskinin bəyanatını şərh edərkən bildirib ki, Rusiya xüsusi əməliyyatı davam etdirir və bütün məqsədlərinə çatacaq.

İnci