Fələstindən çıxın!
Dünya
11:15 / 24.12.2016
1167
BMT Təhlükəsizlik Şurası İsraildən işğal olunan Fələstin torpaqlarında yəhudi qəsəbələrinin inşasını dərhal dayandırmağı tələb edən qətnamə qəbul edib.
AzVision.az Rusiya KİV-nə istinadən xəbər verir ki, sənədi Təhlükəsizlik Şurasına üzv olan 15 ölkədən 14-ü dəstəkləyib.
Bu arada ABŞ-ın nümayəndə heyəti İsrailin qətnamə mətnini əngəlləməyə dair çağırışlarına məhəl qoymayaraq səsvermədə bitərəf qalıb.
Qəbul olunan qətnamədə qeyd olunur ki, Şərqi Yerusəlim daxil olmaqla, işğal olunmuş ərazilərdə məskənsalma fəallığı beynəlxalq hüququn kobud şəkildə pozulması anlamına gəlir və iki müstəqil dövlətin yaradılması yolu ilə münaqişənin nizamlanması üçün ciddi əngəl törədir.
İsrailin baş naziri Biyamin Netanyahunun rəsmi nümayəndəsi Ofir Qendelman isə ölkəsinin bu qətnaməni yerinə yetirmək niyyətində olmadığını bəyan edib.
"İsrail BMT-nin bu rüsvayçı anti-İsrail qətnaməsini rədd edir və onun tələblərinə məhəl qoymayacaq", - deyə bəyanatda bildirilib.
İsrail, həmçinin bu məsələ ilə Seneqal və Yeni Zelandiyadakı səfirlərini dərhal geri çağırıb.
