Azərbaycanlı gənclər daimi yaşamaq üçün hansı ölkələrə gedib? - STATİSTİKA
2023-cü ildə Azərbaycanı daimi yaşamaq üçün 685 gənc tərk edib.
Sfera.az Dövlət Statistika Komitəsinin məlumatlarına istinadən xəbər verir ki, 2022-ci illə müqayisədə ötən il ölkəni tərk edən gənclərin sayı kəskin artıb.
2022-ci ildə 295 gənc ölkəni daimi yaşamaq üçün tərk etmişdi. Ötən il onların sayı 2,32 dəfə artıb.
Azərbaycanı daimi yaşamaq üçün tərk edən gənclərin əksəriyyəti qadınlardır (2022-ci ildə də qadınların sayı çox olub). 2023-cü ildə daimi tərk edən gənclərin 519-u qadın, 166-sı kişidir.
Azərbaycan gəncləri əsasən iki ölkəyə - Rusiya və Türkiyəyə üz tutur. 2023-cü ildə 229 gənc Rusiyaya, 203 gənc Türkiyəyə daimi yaşamağa gedib.
Bu ölkələrdən başqa Almaniyaya 53, ABŞ-yə 44, Gürcüstana 31, Kanadaya 25 gənc daimi yaşamaq üçün gedib.
Qeyd edək ki, daimi yaşamaq dedikdə 2 il və daha artıq müddətə yaşamaq üçün ölkəni tərk edənlər nəzərdə tutulur.
Vasif
