Maksim Qalkin və Alla Puqaçova övladlarını göstərdilər - FOTO
Rusiyalı şoumen Maksim Qalkin “İnstaqram” səhifəsində sentyabrın 18-də 11 yaşını qeyd edən övladları Liza və Harrinin iki fotosunu yerləşdirib.
Sfera.az bildirir ki, Maksim və Alla övladlarının olmasını sirr olaraq saxlayıblar. Əkizlərin doğulması həmin il oktyabrın 6-da məlum olub.
Anaları müğənni Alla Puqaçova olan qardaş və bacı 11 rəqəmi olan şarlardan ibarət piramidaların fonunda fotosessiyaya çəkiliblər. İkinci fotoda Liza və Harri qəşəng yeniyetmə görünüşlərində poza veriblər.
Qalkin fotoya heç bir başlıq yazmasa da, paylaşımın “xarici agent tərəfindən yayıldığını” bildirən lövhə qoyub. Qeyd edək ki, Qalkin Rusiya Silahlı Qüvvələrinin Ukraynaya müdaxiləsinə açıq şəkildə qarşı çıxdıqdan sonra Rusiya Federasiyasında bu siyahıya daxil edilib.
Bildiyiniz kimi, cütlüyün uşaqları surroqat ana tərəfindən dünyaya gəlib. Tibb işçilərindən biri qeyd edib ki, Puqaçova və Qalkin hamilə qadının müşahidə olunduğu perinatal mərkəzə daim baş çəkiblər. Uşaqlar dünyaya gələndə müğənni özü onlara qulluq edib.
Maksim Qalkin və Alla Puqaçova 23 ildir ki, birlikdədir, 13 ildir isə rəsmi evlidir.
Cütlük müharibə başlayandan sonra Rusiya ərazisini tərk edib. Ailə Ukraynadakı müharibəyə qarşı çıxıb və Putinin siyasətini pisləyib. Açıqlamalarına görə Maksim Qalkin xarici agent statusu alıb. Ailə uzun müddət İsraildə yaşasa da, bu yaxınlarda Kiprə köçmək qərarına gəlib. Orada, medianın məlumatına görə, Alla Puqaçovanın səhhətində problemlər yaranmağa başlayıb, buna görə ailə müğənninin öz evinin olduğu Yurmalaya gedib, orada yaşamağı planlaşdırır.
Aynil
Sfera.az
