Birdən-birə yoxa çıxan Anjikuni gölünün sakinlərinin başına nə gəlib? - FOTO
Kanadanın sərt və şaxtalı şimalında Anjikuni gölünün sahilində bir kənd var idi. 1930-cu ildə kənd sakinlərinin müəmmalı şəkildə yoxa çıxması hələ də açılmamış sirr olaraq qalır. Bəs, bu müəmmalı hadisənin arxasında nə dayanır?
Sfera.az 1930-cu ildə baş vermiş bu hadisə haqqında yazı təqdim edir.
1930-cu ilin soyuq noyabr günündə kanadalı xəz ovçusu Co Labelle Anjikuni gölünün yaxınlığındakı İnuit qoruğuna sığınıb. Lakin kəndə çatanda böyük bir sükutla qarşılaşıb.
Kənddə daha dəhşətli bir kəşf edən Labelle yeddi it cəsədi tapıb. İtlər kəndlilərin sağ qalması üçün əvəzedilməz rolu olan xizək itləri idi və bu heyvanların aclıqdan ölməsi kəndlilərin kəndi tələsik tərk etdiyini göstərirdi.
Labelin tapdığı daha qorxulu şey isə yeni bir qəbrin qazılmış olması idi.
Qəbrin ətrafındakı daşların bütöv olması qəbrin insan tərəfindən açıldığını göstərirdi.
Kanada Kral Atlı Polisi (RCMP) qrupları hadisəni araşdırmaq üçün işə başlayıb. Kəndin ən azı səkkiz həftə əvvək tərk edildiyini aşkar edib. Ancaq kəndlilərin hara getdiyi tapılmayıb.
Araşdırma zamanı səmada mavi və sayrışan işıqlar görünüb. Normalda bu bölgədə şimal işıqları tez-tez görünsə də, bu işıqlar öz gözəlliklərindən çox fərqlənirdi.
Bu qəribə işıqların kəndlilərin yoxa çıxması ilə bağlı olub-olmadığı heç vaxt aydın olmayıb.
Skeptiklər isə hadisənin daha adi bir izahının olduğunu düşünürlər. Co Labellenin kənd və bölgə haqqında heç bir məlumatının olmadığı və jurnalist Emmett Kelleherin hekayəni şişirtdiyi güman edilir.
1931-ci ildə RCMP kəndlilərin yoxa çıxması hekayəsini “uydurma” hesab edərək, hadisəni bağlayıb.
Lakin bütün bu ziddiyyətlər və çatışmayan sübutlar kəndlilərin həqiqətən də itmədiyini sübut etmir. Kelleherin xəbəri şişirtməsi belə kəndlilərin itkin düşməsinin səbəbini açıqlamır.
Xanım
Sfera.az
