Madonnanın dəbdəbəli köhnə avtomobili hərraca çıxarılıb - FOTOLAR
Böyük Britaniyada 1967-ci il istehsalı olan “Jaguar Mark X” modeli “H&H Classics”də hərraca çıxarılıb. Klassik idarəedici sedan Madonnaya məxsus olub. Avtomobil hərracın saytında təsvir edilib.
Sfera.az bildirir ki, “Jaguar Mark X” 60-cı illərdə markanın flaqman modeli olub. Böyük sedan məşhur “Jaguar E-Type” sportkarının 265 at qüvvəli altılığı ilə təchiz edilib.
Madonna bir neçə il əvvəl “Jaguar Mark X” almaq qərarına gəlib. Pop diva hətta bir dəfə avtomobil salonunda fotosessiya da təşkil edib. Daha sonra müğənni avtomobili Londonda gündəlik avtomobil kimi istifadə edən oğlu Rokko Riçiyə hədiyyə edib.
O vaxt Pop Diva üçün “Jaguar Mark X” bərpa edilib; kuzov rənglənib və dəri salonu yenilənib. Mərkəzi paneldə kiçik displeyli multimedia sistemi də quraşdırılıb.
Qeyd edək ki, “Jaguar Mark X” 1961-1970-ci illərdə istehsal edilib. O, brendin flaqmanı və “XJ” modelinin sələfi olub. 5,1 metrlik böyük sedan məşhur “Jaguar E-Type” idman avtomobilindən altı silindrli mühərriklərlə təchiz edilib.
Madonnanın avtomobili 265 at gücünə malik 4,2 litrlik mühərrikə malikdir və 3 pilləli avtomatik transmissiya ilə birləşdirilir. Maksimal sürət 196 km/saatdır. Sedan müstəqil asma və bütün təkərlərdə disk əyləcləri ilə təchiz edilib.
Yeri gəlmişkən, xəbər vermişdik ki, Mister Bin aktyoru Rowan Atkinson dq bu yaxınlarda idman “Peugeot” avtomobilini hərraca çıxarıb.
Aynil
Sfera.az
