"Rusiya xaricdən silah tədarük etmir" - Kreml İNKAR ETDİ

"Rusiyaya xaricdən silah tədarükü ilə bağlı son müzakirələr əsassızdır".

Sfera.az “TASS”a istinadən xəbər verir ki, bunu Rusiya prezidentinin mətbuat katibi Dmitri Peskov bu gün jurnalistlərə açıqlamasında deyib.

“Rusiyaya hansısa növ silahların tədarükü ilə bağlı çoxlu iddialar eşidirik, lakin onlar əsassızdır. Biz bir sıra ölkələrlə əlaqələrimizi inkişaf etdiririk, müxtəlif sahələrdə əməkdaşlıq edirik və bu əməkdaşlığı bütün iştirakçı ölkələrin maraqlarına uyğun olaraq davam etdirəcəyik”, - o əlavə edib.

Xatırladaq ki, ABŞ Dövlət katibi Blinken Birləşmiş Ştatların İrana qarşı əlavə sanksiyalar tətbiq etmək niyyətində olduğunu bildirib. Buna səbəb kimi isə ölkənin Rusiya ilə hərbi-texniki əməkdaşlığı göstərilib. Blinkenin sözlərinə görə, Tehran Moskvanı ballistik raketlərlə təmin edib.

Firuzə Əliyeva