İllik inflyasiya yenidən güclənir - RƏSMİ

Azərbaycanda inflyasiya sürətində yenidən güclənmə müşahidə edilir. 

Sfera.az Dövlət Statistika Komitəsinə istinadən xəbər verir ki, 2024-cü ilin avqustunda qiymət indeksi əvvəlki ilin eyni ayına nisbətən 3,5 faiz artıb. 

Bu göstərici iyulda 2,7 faiz, iyunda 1,1 faiz, apreldə sıfır faiz idi. 

Son aylarda illik inflyasiyanın güclənməsinin səbəbi daha çox ödənişli xidmətlərlə bağlıdır. Ödənişli xidmətlərin dəyəri son bir ildə 5,6 faiz artıb ki, bu da ümumi qiymətlərin daha sürətlə artmasına səbəb olub. 

Bahalaşmanı gücləndirən ikinci səbəb qida məhsullarıdır. Qida məhsullarının bazar dəyərində orta hesabla 2,8 faiz artım var. Ərzaq məhsullarının alınmasına ayrılan vəsaitin əhalinin xərclərində payının yüksək olması buradakı qiymət artımının ümumi bahalaşmaya təsirini də gücləndirir. 

Böyük ehtimalla inflyasiyanın güclənməsi qarşıdakı aylarda da davam edəcək.   

Vasif