Türkiyə bankları 8 ay ərzində 2 milyard dollar itirib - Rusiyaya görə...

Türkiyə bankları ABŞ-nin Rusiyaya qarşı sanksiyaları nəticəsində 2024-cü ilin 8 ayı ərzində təxminən 2 milyard dollar ixrac gəliri itirib. 

Sfera.az xəbər verir ki, bu barədə RİA Novosti agentliyinə türkiyəli iqtisadi şərhçi Mustafa Rəcəb Erçin məlumat verib.

Onun sözlərinə görə, Türkiyə ilə Rusiya arasında iqtisadi əlaqələr tamamilə pisləşməyəcək, lakin imkanlar əldən verilib.

“Rusiya problemləri olanda Türkiyəyə necə arxalanacaq? Mən əminəm ki, Kremlin iqtisadi heyəti bu sualı verir. Türk həmkarlar da bu barədə düşünməlidirlər”, - Erçin qeyd edib.

Xatırladaq ki, sentyabrın 4-də Rusiyanın Türkiyədəki səfiri Aleksey Erxov bildirib ki, yerli banklar Rusiya Federasiyasına mal tədarükçüləri üzərində nəzarəti gücləndiriblər. Diplomatın dediyi kimi, kredit təşkilatları bu cür şirkətləri öz sistemlərində fəal şəkildə “sıxmağa” başlayıblar. Şirkətlər həmçinin köçürmələrin bloklanması və hətta hesabların bağlanması ilə üzləşirlər.

İnci