Zaxarova Tramp-Harris debatı barədə: "Titanik"də döyüş, aysberqə 15 dəqiqə qalıb..."
Rusiya Xarici İşlər Nazirliyinin sözçüsü Mariya Zaxarova ABŞ-nin keçmiş prezidenti Donald Tramp və rəqibi Kamala Harrisin seçki debatları ilə bağlı sualı cavablandırıb.
Sfera.az xəbər verir ki, Sputnik radiosuna müsahibə verən Zaxarova debatı "Titanik"də güləşə bənzədib.
“Titanik - güclü, çox bahalı... Titanikin göyərtəsində iki məşhur güləşçi arasında döyüş gedir... Bunun hər hansı bir əhəmiyyəti varmı? Aysberqlə toqquşmaya 15 dəqiqə qalıb”, - Zaxarova qeyd edib.
Zaxarova həmçinin debatları izləməyin mənasız olduğunu bildirib:
"ABŞ fəlakətə doğru gedir, dünyanın qalan hissəsi isə özünü xilas etməyə çalışır. Bundan əlavə, ABŞ-dəki debatları izləmək mənasızdır, çünki amerikalı siyasətçilər faktlara əsaslanmır və bir-birinin sualına cavab vermirlər".
Xatırladaq ki, avqustun 11-də Tramp Harrislə üç raund televiziya debatını elan edib. Onun sözlərinə görə, onlardan birincisi sentyabrın 4-də "Fox News" kanalında, ikincisi sentyabrın 10-da "ABC"də, üçüncüsü isə sentyabrın 25-də "NBC" telekanalında baş tutmalı idi. Lakin sonradan Harrisin bu cədvəllə razılaşmadığı məlum olub.
İnci
