Körpüdən tullanan gənc adam möcüzəvi şəkildə sağ qaldı: Hekayəni bütün dünyada məşhur edən nə oldu? - FOTO

2005-ci ilin martında Qızıl Qapı Körpüsündə iki Kevinin görüşü faciə ilə bitə bilərdi, lakin bu, əsl dostluq hekayəsinin və ümumi missiyanın başlanğıcı oldu.
 

Sfera.az bildirir ki, Kaliforniyadan olan polis serjantı Kevin Briqqs problemlərin əlindən intihar etmək üçün körpüdən tullanmaq istəyən 22 yaşlı Kevin Bersiyanı xilas edib. Bu gün onlar birlikdə ölkəni gəzərək psixi sağlamlıqdan danışırlar.

Qızıl Qapı Möcüzəsi
 

11 mart 2005-ci ildə Oklendli Kevin Bersiya hər şeyi bitirməyi planlaşdıraraq Qızıl Qapı Körpüsünə gedib. İşini itirdikdən, tibbi xərclər yığıldıqdan və illər boyu depressiya ilə mübarizə apardıqdan sonra o, dəmir barmaqlığın üstünə çıxıb, bir anda özünü dar bir çıxıntının arasında tapıb.

"Mən geri saymağa başladım və özümü zərbəyə hazırladım" - deyə Bersiya xatırlayır.
 

Bu zaman körpüdə patrul aparan polis serjantı Kevin Briqqs onu görüb. Karyerasında 200-dən çox insanı xilas etmək artıq ona "Qızıl Qapı Körpüsünün mühafizəçisi" ləqəbini qazandırmışdı.
 

"Hey, gəlib səninlə danışa bilərəm? Mən səni incitməyəcəm, sadəcə qulaq asmaq istəyirəm" - deyə Briqqs sakitcə səslənib.
 

92 dəqiqə ərzində zabit təzyiq etmədən, məsləhət vermədən gənci diqqətlə dinləyib.
 

"Mən sadəcə empatiya və anlayışla dinləyirəm, onlara danışmağa icazə verin və sonra onları hasarın üstündən geri qayıtmaq barədə düşünməyə təşviq edirəm" - deyə Briqqs izah edir.
 

'Nəhayət, Bersiya fikrini dəyişib və 11 gün xəstəxanada qalıb. Ancaq depressiya getmədi - o, daha səkkiz ili dərin emosional tənəzzüldə keçirib.
 

Həyatı Dəyişən Dostluq
 

Onların yolları 2013-cü ildə, psixi sağlamlıq fondu Briqqsi Nyu Yorkda keçirilən mükafatlandırma mərasiminə dəvət edəndə yenidən kəsişib. Təşkilatçılar onun xilas etdiyi birindən mükafat almasını istəyirdilər.
 

Bersiyanın anası oğluna yerli radiostansiyadan dəvət aldığını deyərək görüşün təşkilinə kömək edib.
 

“Onu görəndə “Aman Allahım, məni xilas edən polis” dedim. Bunu bilsəydim, heç vaxt ona belə açılmazdım” - polislə münasibətlərinin həmişə gərgin olduğu bir məhəllədə böyüyən Berciya xatırlayır.
 

Ancaq dəri rəngi və ya forma fərqi yox idi. 62 yaşlı Briqqs deyir: “Biz o vaxtdan bəri dostuq”.
 

Tədbirdə çıxış etdikdən sonra Bersiya ilk dəfə öz hekayəsini açıq şəkildə danışıb. Tamaşaçıların reaksiyası onun həyatını dəyişdi: "Mən bitirəndə bütün otaq ayağa qalxdı. Mübarizəmdə tək olmadığımı bilirdim"-deyə o bildirir.
 

Bu gün 42 yaşlı Bersiya psixi xəstəliklərlə mübarizə aparmaq üçün öz fondunu yaradıb və məktəblilərdən tutmuş polis akademiyasının məzunlarına qədər minlərlə insanla danışır. İldə bir neçə dəfə o, Briqqslə birləşir.
 

"Bu, sadəcə dinləmək və insanlara "hər şey yaxşı olacaq" deməməkdən ibarətdir. Əzab çəkənlərlə danışmağı öyrənməlisən. Bu, çətin mövzudur, amma biz qaranlıqda işıq tapmağa çalışırıq" - deyə təcrübəli polis əməkdaşı vurğulayır.

Xanım