“Google” avropalılara milyardlarla dollar cərimə ödəyəcək - SƏBƏB
Avropa İttifaqının Ali Məhkəməsi “Google” şirkətini haqsız gəlir əldə etməsinə görə böyük məbləğdə cərimələyib.
Sfera.az xarici mediaya istinadən xəbər verir ki, yeddi il əvvəl “Google” avropalı rəqibləri üzərində üstünlük əldə etmək üçün daha aşağı qiymətlərlə əməliyyatlar həyata keçirib. Bunu əsas götürən Avropa Komissiyası şirkəti 2,42 milyard avro (2,68 milyard dollar) cərimələyib.
“Google” cərimə ilə razı olmadığından Avropanın ali məhkəməsinə müraciət edib. Məhkəmə etiraza baxmayaraq Avropa Komissiyanın qərarını haqlı hesab edib və antiinhisar fəaliyyətinə görə cəriməni qüvvədə saxlayıb.
Xatırladaq ki, bu cərimə Avropa Komissiyasının son on ildə müxtəlif antiinhisar pozuntularına görə “Google”a tətbiq etdiyi üç cərimədən biridir. Üç cəriməyə görə ödənəcək məbləğ isə ümumilikdə 8,25 milyard avrodur (9,15 milyard dollar).
Vasif
