"Müxalifət və media sui-qəsd cəhdinin təkrarlanmasına şərait yaradır" - Robert Fiko

Müxalifətin və bəzi KİV-lərin hərəkətləri Slovakiyanın Baş naziri Robert Fikoya qarşı sui-qəsd cəhdinin təkrarlanmasına səbəb ola bilər.

Sfera.az xəbər verir ki, bu barədə Slovakiya hökumətinin başçısı sui-qəsd cəhdinin baş verdiyi Gandlova şəhərinə işgüzar səfəri zamanı bildirib.

Fiko, "Mən bu sui-qəsd cəhdindən deyil, müxalifətdən və media onların etdiklərinə görə travma aldım" deyib.

Baş nazir əlavə edib ki, müxalifət və media belə bir hadisənin təkrarlanmasına səbəb ola biləcək atmosfer yaradır.
 

R.Fiko həmçinin qeyd edib ki, o, şəhərə hökumətin iş proqramı çərçivəsində gəlib, çünki bu bölgənin dəstəyə ehtiyacı var.

Xatırladaq ki, mayın 15-də 71 yaşlı yazıçı Juraj Cintula Gandlova şəhərində Baş nazir Robert Fikoya qarşı sui-qəsd cəhdi edib.Cintula hadisə yerində saxlanılıb, Baş nazir tez bir zamanda xəstəxanaya aparılıb və orada bir neçə əməliyyat keçirib. İyul ayında Slovakiya Baş Prokurorluğu Fikoya cəhdi terror hücumu kimi qiymətləndirib.

Əzizə