“Kişilər xəyanət edərkən yoldaşına daha yaxşı davranır” - AÇIQLAMA

Bu gün cəmiyyətimizin əsas problemlərindən biri də evli bəylərlə münasibətdə olan xanımlardır.

Bəs nəyə görə qadınlar evli kişilərlə münasibət qururlar?

Mövzu ilə bağlı Sfera.az-a danışan parapsixoloq Əfsanə Qasımova bildirib ki, evli bəy evinə gedərkən ilk həmin qadının izlərindən xilas olur.

"Yəni həmin qadına olan duyğular evinə gedəndə gizlədiləcək qədər qısa müddətlidir. Bu gün yoldaşını aldadan kişi, sabah onu bir başqası ilə aldadacaq. Həmin qadın isə fərqində olmadan onun yoldaşıyla olan münasibətinin yaxşılaşmasına səbəb olur. Çünki kişi başqa münasibəti olduğunu gizlətmək üçün ona yaxşı davranır. Hətta etmədiyi jestləri edərək yoldaşını sevindirəcək”.

Əfsanə Qasımova qeyd edib ki, kişilər, əsasən, münasibətdə olduğu qadına yalan vədlər verir və yalanlar danışır.

“Yoldaşını sevmədiyini və ondan ayrılacağını bildirirlər. Bu isə tamamilə yanlışdır. Ayrılmaq istəyən biri heçnəyi gözləmir və zamana buraxmır. Bəylər də bir xanıma qarşı bu hərəkəti etməməlidir. Hər bir ailə sevgiylə qurulmalıdır".

Ülkər Abdurahmanlı