50-dən çox ölü, 200 yaralı: Ukraynada raket hücumu

Bu gün Ukraynanın Poltava ərazisinə ballistik raket atılıb. Rus ordusu şəhərdəki təlim mərkəzlərindən birinə hücum edib.


Sfera.az bildirir ki, hadisə nəticəsində 51 nəfər ölüb, 200-dən çox insan yaralanıb.

Poltava Vilayət Dövlət Administrasiyasının rəhbərinin sözlərinə görə, dağıntılar altında daha 18 nəfər ola bilər. Hücum müharibə başlayandan bəri ən pis hücumlardan biri adlandırılıb.
 

Bölgədə üç günlük matəm elan edilib. Hal-hazırda dağıntılar təmizlənir və hadisə yerində axtarış qrupları işləyir. Ölənlərin sayının artacağı gözlənilir.


Poltavada baş verən faciə ilə bağlı Ukraynanın müvəqqəti işğal olunmuş ərazilər üzrə nazirinin keçmiş müavini Georgi Tuka da məlumat verib.


Ukrayna prezidenti Vladimir Zelenskinin sözlərinə görə, iki ballistik raket təhsil müəssisəsi və xəstəxananın ərazisinə düşüb.

“Hadisənin bütün şəraitinin tam və operativ araşdırılmasına göstəriş vermişəm, bütün lazımi xidmətlər xilasetmə əməliyyatına cəlb olunub”- deyə Ukrayna prezidenti bildirib.
 

Poltavadakı partlayışlara Yelena Zelenskaya da münasibət bildirib. O, raket hücumu nəticəsində həlak olanların və yaralananların ailələrinə başsağlığı verib.

Aynil

Sfera.az