Millət vəkilliyinə namizəd Göydəniz Qəhrəmanov seçiciləri ilə görüşdü - FOTO
Millət vəkilliyinə namizəd Göydəniz Qəhrəmanov növbədənkənar parlament seçkilərinə hazırlıq çərçivəsində təbliğat-təşviqat kampaniyasını davam etdirib.
Sfera.az xəbər verir ki, Yasamal rayonu 17 saylı üçüncü seçki dairəsi üzrə namizəd olan G.Qəhrəmanov seçicilərlə son görüşünü keçirib.
“Doğma Yasamal rayonu 17 saylı 3-cü seçki dairəsi üzrə millət vəkilliyinə namizəd olaraq başladığım təbliğat-təşviqat kampaniyası çərçivəsində sakinlərlə son görüşümü keçirdim. Görüş zamanı sakinlərə müxtəlif dövrlərdə çalışdığım sahələr üzrə fəaliyyətim və əldə etdiyim uğurlardan danışdım. Daha sonra platformam haqqında ətraflı məlumatları bölüşdüm. Həmçinin seçicilərimin müxtəlif mövzularda mənə ünvanladıqları sualları cavablandırdım, təkliflərini dinlədim.Sakinlərə mənə etimad göstərəcəkləri təqdirdə səlahiyyətlərim çərçivəsində müraciətlərinə hər zaman diqqət və həssaslıqla yanaşacağımı bildirdim”, - namizəd qeyd edib.
