Qəhvəni belə içmək zərərlidir – Həkim XƏBƏRDARLIQ ETDİ

Qəhvəni acqarına içmək insan sağlığı üçün müəyyən problemlər yaradır. İngiltərəli dietoloq Rob Hobson hesab edir ki, acqarına bir fincan qəhvə içmək mədə yanmasına və həzm çətinliyinə səbəb ola bilər.

Sfera.az İngiltərənin “Daily Mail” nəşrinə istinadən xəbər verir ki, Hobsona görə, qəhvə mədənin selikli qişasını qıcıqlandıran, turşu istehsalını artıran və xoşagəlməz simptomlar yarada bilən yüksək turşulu içkidir.

O əlavə edib ki, bəzi insanlarda kofein qəbulu qida borusunun aşağı sfinkterini rahatlaşdırır, bu isə turşunun yemək borusuna axmasına və mədə yanması hissini yaradır. Dietoloq hesab edir ki, kofe hansısa yeməklə qəbul edilsə, bu təsirin qarşısını almaq olar. Bununla belə Hobson qeyd edib ki, qəhvəyə reaksiya orqanizmin fərdi xüsusiyyətlərindən asılıdır. Əgər xoşagəlməz simptomlar müntəzəm olaraq ortaya çıxsa, dietoloq bu içkini menyudan çıxarmağı və ya istehlakını əhəmiyyətli dərəcədə azaltmağı tövsiyə edir.

Vasif