Günay Ağamalı Biləsuvar rayonunun Xırmandalı kəndində seçicilərlə görüşü - FOTO
Deputatlığa namizəd Günay Ağamalı 27 avqust 2024-cü ildə Biləsuvar rayonunun Xırmandalı kəndinin fərdi yaşayış evində seçicilərlə görüşdü.
Sfera.az xəbər verir ki, Günay Ağamalı qonaqpərvərliyə görə ev sahiblərinə, görüşə gəldikləri üçün seçicilərə təşəkkürünü bildirdi və seçki platforması haqqında onlara ətraflı məlumat verdi.
Daha sonra, G.Ağamalı şəhid ailələrinin qaldırdığı məsələləri diqqətlə dinlədi, əgər deputat seçilərsə dövlət qurumları, yerli icra orqanları və bələdiyyələrlə birgə sağlam əməkdaşlıq çərçivəsində qaldırılan bütün məsələlərin həlli üçün səylə çalışacağını söylədi.
Seçicilər Qəndab Rüstəmova və Azad İmanov deputatlığa namizəd Günay Ağamalının ünvanına xoş sözlər söyləyərək, növbədənkənar parlament seçkilərində ona səs verəcəklərini bildirdilər.
Günay Ağamalının 65 saylı Salyan- Biləsuvar-Neftçala seçki dairəsində seçicilərlə görüşləri davam edir.
