Bakı-Qazax yolunda AĞIR QƏZA - Azyaşlı qız öldü

Azyaşlının ölümü ilə nəticələnən qəza baş verib.

Bu barədə Sfera.az-a DİN-dən məlumat verilib. Hadisə Bakı-Qazax avtomobil yolunda qeydə alınıb:

“Qoşqulu yük avtomobilinin təkərinin partlaması səbəbindən minik avtomobili ilə toqquşma baş verib. Qəza nəticəsində minik avtomobilində olan azyaşlı qız həyatını itirib. Onun anası, bacısı və digər qohumu isə xəsarət alıb”.

DİN vurğulayıb ki, nəqliyyat vasitələrinin texniki sazlığının nəzarətdə saxlanılmaması, eləcə də vaxtında texniki qulluq göstərilməməsi son nəticədə ağırlıq dərəcəsi yüksək olan yol qəzalarının baş verməsinə rəvac verir:

“Qeyd olunan səbəblərdən dəfələrlə ağır-yol nəqliyyat hadisələrinin baş verdiyini nəzərə alaraq, bir daha sürücüləri, xüsusilə sərnişin və yükdaşıma fəaliyyəti göstərən hüquqi və fiziki şəxsləri nəqliyyat vasitələrinin texniki sazlığına vaxtaşırı nəzarət etməyə, reysqabağı texniki müayinədən keçməyə, nasaz, texniki-təhlükəsizlik baxımından normativ tələblərə cavab verməyən avtomobillə yola çıxmaqdan çəkinməyə çağırırıq”.

Günay