Prokurorluq Zaqataladakı qətllə bağlı MƏLUMAT YAYDI
Baş prokurorluq Zaqatala rayonundakı qətl hadisəsi ilə bağlı məlumat yayıb.
Sfera.az bildirir ki, iki şəxsin ölməsi faktı ilə bağlı cinayət işi başlanıb.
“Avqustun 27-də saat 10 radələrində Zaqatala rayonu, Aşağı Tala kəndi ərazisində 2 şəxsin ölməsi barədə rayon prokurorluğuna məlumat daxil olub. Araşdırma zamanı 1960-cı il təvəllüdlü Həsən Davudovun aralarında yaranmış mübahisə zamanı odlu silahdan atəş açaraq tanışı 1947-ci il təvəllüdlü Tarıyel Əhmədovu qəsdən öldürməsi, daha sonra isə eyni silahla özünə atəş açaraq intihar etməsinə əsaslı şübhələr müəyyən edilib. Faktla bağlı Zaqatala rayon prokurorluğunda Cinayət Məcəlləsinin 120.1 (qəsdən adam öldürmə) və 125-ci (özünü öldürmə həddinə çatdırma) maddələri ilə cinayət işi başlanaraq istintaq aparılır”, - qurum əlavə edib.
Günay
