Avqustun 27-si Beynəlxalq Boks Günüdür
Beynəlxalq Boks Günü hər il avqustun 27-də keçirilir.
Sfera.az xəbər verir ki, Beynəlxalq Boks Günü 2017-ci ildə Rusiya Boks Federasiyasının baş katibi Umar Kremlevin təşəbbüsü ilə Rusiyada yaranıb.
Belə ki, 2019-cu ildə Beynəlxalq Boks Assosiasiyası (İBA) Beynəlxalq Boks Gününün hər il qeyd olunmasını təyin edib. Bu günü qeyd etmək üçün qlobal boks ailəsini, azarkeşləri, tərəfdaşları və maraqlı tərəfləri birləşdirməyə təşviq edib.
2021-ci ildə İBA Beynəlxalq Boks Gününü 1974-cü ildə Havanada (Kuba) keçirilmiş boks üzrə Dünya Çempionatının ilk buraxılışı ilə əlaqələndirmək üçün iyulun 22-dən avqustun 27-nə keçirib.
Qeyd edək ki, Beynəlxalq Boks Federasiyasının ilk Dünya Çempionatı yarışı 1974-cü ildə avqustun 17-dən 30-dək keçirilib, 11 çempion tac qazanıb və ev sahibi ölkə medallar cədvəlinə başçılıq edib.
Beynəlxalq Boks Gününün əsas bayramı isə 2021-ci ildə Belqradda baş tutub. Belqradda keçirilən tədbirlərdə İBA-nın səfirləri Roberto Cammarelle, Zeina Nassar və Said Taghmaoui, o cümlədən Ukraynadan Aleksandr Xijniak, Özbəkistandan Bahodir Jalolov, Rusiyadan Albert Batırqaziyev və Bolqarıstandan Stoyka Jelyazkova Krasteva kimi boks ulduzları iştirak ediblər.
2021-ci ildə 50-dən çox Milli Federasiya Beynəlxalq Boks Gününü qeyd etmək üçün İBA-ya qoşulub.
Firuzə Əliyeva
