6 yaşlı uşaq beş gün sonra meşədən tapıldı - FOTO

Beş gün itkin düşən altı yaşlı Danq Tien Lam meşənin dərinliklərində sağ-salamat tapılıb.
 

Sfera.az bildirir ki, Vyetnamın Yen Bai əyalətində yaşayan uşaq avqustun 17-də itkin düşüb. İtkin düşməzdən əvvəl o, doqquz bacısı ilə birlikdə çayın yanında oynayıb.

Yerli sakinlər deyirlər ki, bu zaman uşaq təpələrə girərək, azıb. O, meşə yaxınlığında darçın tarlasını təmizləyərkən uşaq səsi eşidən yerli fermerlər tərəfindən tapılıb.
 

İtdiyi yerdən təxminən 6 km aralıda manok kollarının arasında oturmuş vəziyyətdə tapılan Lam o qədər zəif olub ki, ayaq üstə dayana bilməyib.
 

Uşaq yarpaqlar, yabanı meyvələr və dərə suyu içməklə sağ qalıb. Onun əynində qırmızı köynək və tamamilə çirklənmiş şort aşkar edilib. İnternetdə yerləşdirilən fotolarda yerli əhalinin uşağa qayğı göstərdiyi və meşədən çıxarıldıqdan sonra ona tort təklif etdiyi əks olunub.
 

"Uşaq mənə dedi ki, azdıqdan sonra evin yolunu tapa bilməyib. Nə qədər çox getsə, bir o qədər də çıxış yolu tapa bilməyib"- deyə uşağı tapan fermer bildirib.
 

Polis rəsmiləri Lamın sağ tapılmasının möcüzə olduğunu bildiriblər.
 

Bu xəbər sosial şəbəkə istifadəçiləri arasında həyəcan yaradıb. Çoxları oğlanın ailəsini təbrik edib və axtarış qrupuna göstərdikləri səylərə görə təşəkkür edib. Yerli hakimiyyət orqanları axtarışlara polis, hərbçilər və yerli könüllülər də daxil olmaqla 150-dən çox insan səfərbər edib.