Həyat yoldaşından gələn son mesajdan sonra dalğıc oldu
Yapon Yasuo Takamatsu 2011-ci il martın 11-də sunami zamanı itən həyat yoldaşı Yukonun cəsədini axtarmaq üçün hər həftə dənizin dibinə düşür.
Sfera.az bildirir ki, iki il yarım quruda boş axtarışlardan sonra Yasuo Takamatsu dalğıc kursu keçərək su altında axtarışlar etməyə başlayıb.
Faciə baş verən gün bankda işləyən qadın sevgilisinə:
“Yaxşısan? Mən evə getmək istəyirəm” mesajı yazıb. Onun bu qısa mesajı sonuncu olub.
Takamatsu qayınanası ilə birlikdə həmin gün qonşu şəhərdəki xəstəxanaya gedib. Böyük dağıntılar səbəbindən təbii fəlakətdən dərhal sonra geri qayıda bilməyib. Kişi əvvəlcə quruda axtarışa başlayıb və bir neçə ay sonra həyat yoldaşının telefonunu bank dayanacağında tapıb. Telefonda “sunami fəlakətlidir”- yazılmış, lakin heç vaxt çatdırılmayan mesaj qalıb.
İki il yarım quruda boş yerə axtarış apardıqdan sonra Yasuo dalğıc kursu keçərək suyun altında dalışa başlayıb. O vaxtdan bəri, kişi həyat yoldaşının cəsədinin harada olduğu ilə bağlı hər hansı bir ipucu tapmaq üçün hər həftə akvalanja gedir.
"Mən onu tapmaq istəyirəm. Amma başa düşürəm ki, bu, heç vaxt olmaya bilər, çünki dəniz çox böyükdür, yenə də davam etməliyəm" - deyə Masayoshi Takahashi bildirir.
Takamatsu həyat yoldaşı ilə 1988-ci ildə Yaponiya ordusunda xidmət edərkən tanış olub. Fəlakət baş verən zaman o, avtobus sürücüsü işləyirdi.
Qeyd edək ki, “The Diver” qısametrajlı filmi 2011-ci ildə baş vermiş fəlakətdə itkin düşən 2500-dən çox insanın axtarışlarının əvvəlkindən daha kiçik miqyasda olsa da, hələ də davam etdiyini göstərir.
Yeri gəlmişkən, 2011-ci ildə Yaponiyada baş vermiş sunami 450 minə yaxın insanın evini itirməsinə, 18 min nəfərin ölməsinə, daha 2,5 min nəfərin isə itkin düşməsinə səbəb olub. Fəlakət Fukusima nüvə fəlakətinə də səbəb olub.
Aynil
Sfera.az
