İllərlə özünü uydurma krallığın kraliçası kimi göstərib - FOTOLAR

Özünü uydurma krallığın imperatriçası kimi təqdim edən 49 yaşlı Sandra Nikol Martinez dələduzluqda təqsirli bilinir.

Sfera.az bildirir ki, özünə “Əlahəzrət” və “İmperator Əlahəzrəti” kimi titullar verən və italyanca danışan Sandra Nikol Martinez əslində almaniyalı olub. O, elita ilə eksklüziv şənliklərdə və tədbirlərdə görüşüb, “İnstaqram” səhifəsində qlamur fotolar və videolar yerləşdirib.

Sandra bir neçə il əvvəl əfsanəvi italyan sosialist Guia Sospizio tərəfindən elitaya təqdim edildikdən sonra İtaliyanın paytaxtında eksklüziv və ictimai tədbirlərdə müntəzəm iştirak edib.

Heç kim Martinezin mərkəzi ofisi Livanın Beyrut şəhərində yerləşən Qlodeni Evinin imperatriçası olmaq iddiasını şübhə altına almayıb. Baxmayaraq ki, sadə Google axtarışı Glodeninin əslində Moldovada bir şəhər olduğunu göstərir.


Saxta imperatriçanın ifşası bu ilin mart ayında, Romanın Trastevere rayonunda qəfildən divarın uçması və bir neçə avtomobilə ziyan vurması ilə başlayıb. Bu avtomobillər arasında Sandra Martinezin “Ferrari”si də olub. Avtomobilin qeydiyyat nömrəsinin vaxtı keçib və sığortası olmayıb. Bu da müəyyən suallar doğurub və sonrakı araşdırmalar daha çox uyğunsuzluqları üzə çıxarıb.

Məlum olub ki, şəxsin idarə etdiyi “Bentley” dövlət nömrə nişanı Almaniyada qeydiyyatdan keçmiş yük maşınına məxsusdur və təxminən 2600 avro məbləğində yüzlərlə ödənilməmiş cərimələri var.
 

Polis müəyyən edib ki, “Qolloni Kraliçası” lüks avtomobillərini Romanın tarixi mərkəzində sürüb park edib, kameralara məhəl qoymayıb, çünki o, avtomatik olaraq yaranan cərimələrin onun adına verilmədiyini bilib. İndi qadını avtomobili saxta nömrələrlə idarə etdiyinə görə də 100 min avroya qədər cərimə gözləyir.


Kral tituluna gəlincə, Qlodeninin yaşayış yeri bu ilin fevralında Beyrutda qeydə alınıb, lakin onun ailəsində krallar olmayıb. Sandra Nikol Martinez əksini sübut etmək üçün əlindən gələni edib. Eksklüziv şənliklərdə və tədbirlərdə elita ilə görüşüb, həmçinin “İnstaqram” səhifəsində qlamur fotolar və kliplər yerləşdirib.
 

O, kral ailəsinin üzvləri, siyasətçilər, iş adamları və katolik ruhaniləri ilə pozalar verib. Onların heç biri isə heç nədən şübhələnməyib.

Aysel

Sfera.az