İdman sahəsində ən yaxşılar elan olundu
İdman
17:13 / 20.12.2016
2140
Bu gün İdman Araşdırmalar Mərkəzi ilin qaliblərini müəyyənləşdirib.
Qaynarinfo.az xəbər verir ki, əvvəlcə 7 xüsusi mükafat sahiblərinə təqdim olunub.
"İlin qalibləri-2016" layihəsinə verdiyi dəstəyə görə, "İtaldizain Group", ilin fəal operatoru kimi "CBC Sport"un əməkdaşı Anar İbrahimov, ilin fəal meneceri kimi Vaqif Heydərli və ilin uğurlu KİV layihəsi olaraq AFFA yanında Media Komitəsi mükafatlandırılıb.
Media ilə sıx və səmərəli əməkdaşlığa görə, Bakı Olimpiya Stadionunun mətbuat katibi Cəmilə Mehdiyevaya, Bakı Şahmat Olimpiadası Əməliyyat Komitəsinə və Gənclər və İdman nazirliyinin mətbuat xidmətinin rəhbəri Səmayə Məmmədovaya da mükafat təqdim olunub.
Daha sonra 57 media orqanı arasında aparılan sorğuya əsasən 8 nominasiya üzrə 11 qalib müəyyənləşib.
İlin jurnalisti - Sərxan Musalı ("Futbol+" qəzeti)
İlin mətbuat katibi (digər idman növləri üzrə) - Pərviz Musayev (Velosiped İdmanı Federasiyası)
İlin mətbuat katibi (futbol) - Aslan Şahgəldiyev (Peşəkar Futbol Liqası)
İlin idman xadimi - Kəmaləddin Heydərov (Taekvondo Federasiyası)
İlin baş məşqçisi (futbol) - Qurban Qurbanov ("Qarabağ")
İlin baş məşqçisi (digər idman növləri üzrə) - Reza Mehmandust (taekvondo)
İlin komandası (futbol) - Azərbaycanın futbol millisi
İlin komandası (digər idman növləri üzrə) - Kişi taekvondo millimiz
İlin əcnəbi idmançısı - Ansi Aqolli ("Qarabağ")
İlin futbolçusu - Rəşad Sadıqov ("Qarabağ")
İlin idmançısı - Radik İsayev (Taekvondo)
Qeyd edək ki, bu sorğuda Qaynarinfo.Az-ı Səbuhi Tofiqoğlu təmsil edib.
