Çin elektromobillərinin “düşmən”lərinin sayı ARTIR - Daha bir ölkə...
Avropa İttifaqı və ABŞ-dən sonra Kanada da Çin istehsalı olan elektrik avtomobilləri (elektromobil) üçün yeni tariflər tətbiq etməyi planlaşdırır.
Sfera.az “Bloomberg”ə istinadən xəbər verir ki, Kanada hökuməti elektromobillərə 100 faiz vergi tətbiq etməyə hazırlaşır. Kanadanın baş naziri Castin Trüdonun bu qərarı Nazirlər Kabinetinin iclasında açıqlayacağı gözlənilir.
Kanadanın ABŞ ilə ticarət əlaqələri güclüdür və hökumət bu əlaqələrə uyğun davranır. ABŞ-nin Çinin elektrik avtomobilləri, onların batareyaları, günəş batareyaları, polad və digər məhsullarına qarşı daha yüksək tarif tətbiq etmək üçün atdığı addımların oxşarını Kanadanın da atacağı ehtimalı güclüdür.
Kanadanın avtomobil sənayesi ən yaxın qonşusu ilə yüksək dərəcədə inteqrasiya olunub. Keçən il 1,5 milyon ədəd yüngül avtomobil istehsalının böyük əksəriyyəti ABŞ-yə ixrac edilib. Bu asılılıqdan irəli gələrək Kanadanın da ABŞ kimi Çin elektromobillərinin idxalını məhdudlaşdıracağı gözlənilir.
Vasif
