Putin Kurska hücumla bağlı Kiyevə cavab vermək qərarına gəlib.

Sfera.az bildirir ki, bunu Rusiya Federasiyasının ABŞ-dəki səfiri Anatoli Antonov deyib.

O, bu barədə  Birinci Kanalda “Dmitri Simes ilə böyük oyun” proqramında çıxışı zamanı danışıb. 

Antonov qeyd edib ki,  Kiyevi ağır cəza gözləyir.  “Mən qəti əminəm ki, Kursk vilayətində baş verənlərə görə hər kəs ciddi şəkildə cəzalandırılacaq”, - səfir bildirib. 

O vurğulayıb ki, Vladimir Putin Ukrayna Silahlı Qüvvələrinin Kursk vilayətinə müdaxiləsinə cavab metodu barədə artıq qərar verib.

Qeyd edək ki, avqustun 6-da Ukrayna Silahlı Qüvvələrinin Kursk vilayətinə hücumu başlayıb. Rusiyanın sərhədyanı rayonlarından 133 minə yaxın insan təxliyə edilib. 29 rayonda müvəqqəti məskunlaşma mərkəzləri açılıb. 

 Günay