Təyyarənin dayanmasını gözləyə bilməyən sərnişin təcili yardım qapısını açıb və aşağı atılıb.
 

Sfera.az bildirir ki, qəribə və gülməli hadisə Melburn hava limanında Sidneydən eniş edərkən baş verib.
 

Şahidlərin sözlərinə görə, təyyarə dayanan kimi sərnişin təcili çıxışa yaxınlaşaraq qapını açıb. Daha sonra qanadın arxasındakı xilasedici paraşüt avtomatik olaraq işə düşsə də, adam buna məhəl qoymayıb. Əvəzində o təyyarənin mühərriklərindən birinə tərəf yönəlib və oradan uçuş-enmə zolağına tullanıb.


Eyni reysdə olan sərnişinlər adamdan onun oturacağında əyləşməsini xahiş etsələr də, o heç kimi dinləməyib. Həmin sərnişin ekipaj üzvlərinin də bütün istək və xəbərdarlıqlarına məhəl qoymayıb.
 

Hadisə barədə aviaşirkətin əməkdaşları tərəfindən xəbərdar edilən Avstraliya Federal Polisi sərnişini aqressiv davranışda və uçuş təhlükəsizliyi protokollarını pozmaqda ittiham edərək həbs edib.
 

O, həmçinin təcili tibbi yardım həkimləri tərəfindən müayinə olunaraq tibb müəssisəsinə aparılıb, hazırda mütəxəssislərin nəzarətində saxlanılır. Polis araşdırmalarını davam etdirir.
 

Melburn hava limanının rəsmiləri yer heyətinin sürətli reaksiyasını yüksək qiymətləndiriblər. Onların sözlərinə görə, bu, digər sərnişinləri və işçiləri qorumağa imkan verib.

Aysel

Sfera.az