Baş məşqçi Mbappedən danışmaqdan imtina etdi: "Çox darıxdırıcısınız..."
Paris Saint-Germain-in (PSJ) baş məşqçisi Luis Enrike "Real Madrid"ə keçən klubun keçmiş hücumçusu Kilian Mbappe haqqında jurnalistlərə danışmaqdan imtina edib.
Sfera.az xəbər verir ki, onun sözlərini RMC Sport sitat gətirib.
“Mən sizə deyə bilərdim: Siz fransızlar çox darıxdırıcısınız. Mbappe PSJ forması geyinən futbolçu deyil. Mən yalnız PSJ-də oynayan futbolçulardan danışıram”, - deyə Enrike bildirib.
Mayın 10-da Mbappe 2023/24 mövsümü başa çatdıqdan sonra 2017-ci ildən çıxış etdiyi Fransa komandasını tərk edəcəyini rəsmən açıqlayıb. Mbappe ilə Real Madrid arasında müqavilənin imzalanması iyunun 3-də rəsmən bildirilib. Hücumçu Madrid klubuna azad agent kimi keçib. O, Madrid klubunda debütünü UEFA Superkubokunda “Atalanta” ilə matçda (2:0) edib.
Avqustun 20-də PSJ-nin Mbappeyə borcuna görə Çempionlar Liqasından kənarlaşdırıla biləcəyi ilə bağlı məlumatlar ortaya çıxıb. Forvard Fransa Futbol Federasiyası vasitəsilə Fransa Liqasının və Avropa Futbol Assosiasiyaları İttifaqının (UEFA) hüquq komissiyasına müraciət edərək Paris klubundan köhnə müqaviləyə əsasən 55 milyon avro məbləğində təzminat ödəməsini tələb edib.
İnci
Sfera.az
