Daha bir rus diplomatı öldürüldü
Dünya
10:31 / 20.12.2016
1194
Rusiyanın Ankaradakı səfiri Andrey Karlovun ötən gün qətlə yetirilməsindən sonra bu ölkənin Xarici İşlər Nazirliyinin daha bir əməkdaşı evində ölü tapılıb.
AzVision.az REN TV-yə istinadən xəbər verir ki, hadisə dünən paytaxt Moskvada baş verib.
Cəsədi aşkar edilən şəxs Rusiya XİN-in Latın Amerika departamentinin şöbə rəisi Pyotr Polşikovdur.
Onun yaşadığı evdə başından vurularaq öldürüldüyü bildirilir. Cinayətdə istifadə edilən silah mətbəxdə yerləşən əl-üz yuyanın arxasından tapılıb.
Hadisə ilə bağlı hələ rəsmi açıqlama verilməyib.
Məlumatda qeyd olunur ki, Polşikov öldürülən zaman həyat yoldaşı evdə olub.