Türkiyədə yaşayan alman aktrisa Vilma Elles bu ölkənin vətəndaşlığını alıb.

Sfera.az “Milliyet”ə istinadən xəbər verir ki, bu barədə sənətçi tədbirlərin birində açıqlama verib.

O, həmçinin adını dəyişdirərək Mücella qoyduğunu bildirib.

Xatırladaq ki, V. Elles 2014-2019-cu illərdə Arif Kerem Gögüşlə ailəli olub. Bu evlilikdən dünyaya gələn əkizlər Milat və Melodinin qəyyumluğu anaya verilib. Aktrisa 2022-ci ildə vəkil Mehmet Şah Çeliklə nikaha girib. Bu evlilikdən bir övladı var.

V. Ellesə 2010-2013-cü illərdə “Kanal D” telekanalında yayımlanmış “Öyle bir geçer zaman ki” serialındakı “Caroline” obrazı şöhrət gətirib.