21 avqust - Terror Qurbanlarının Beynəlxalq Anım Günüdür
Bu gün dünyada 21 avqust - Terror Qurbanlarının Beynəlxalq Anım Günüdür.
Sfera.az xəbər verir ki, bu günün əsas məqsədi terror qurbanlarına və ondan zərər çəkənlərə ehtiram göstərmək, onlara dəstək olmaq, hüquq və əsas azadlıqlarının qorunmasına və tam şəkildə həyata keçirilməsinə təkan verməkdir.
Terrorizm təhlükəsizliyi, cəmiyyətin demokratik dəyərlərini, vətəndaşların hüquq və azadlıqlarını, xüsusən də günahsız insanları hədəfə götürən təhlükədir.
Əfsuslar olsun ki, müxtəlif dövrlərdə azərbaycanlılara qarşı çoxsaylı müharibə cinayətləri, dəhşətli terror aktları və soyqırımılar baş verib.
Ermənistanın İkinci Qarabağ müharibəsi zamanı hərbi təcavüzü nəticəsində 12-si uşaq, 27-si qadın olmaqla 93 mülki şəxs həlak olub, 454 mülki vətəndaş yaralanıb, ümumilikdə 12292 yaşayış və qeyri yaşayış sahəsinə, 288 nəqliyyat vasitəsinə ziyan dəyib, 1018 fermer təsərrüfatı üzrə zərər faktı aşkar edilib.
Azərbaycan Respublikasının Prezidenti İlham Əliyevin uğurlu siyasəti nəticəsində Ermənistanın yeritdiyi terrorçuluq, hərbi təcavüz siyasəti ifşa olunur. 44 günlük Vətən müharibəsindəki tarixi zəfərimiz Azərbaycanı bütün dünyaya qalib ölkə, xalqımızı isə qəhrəman xalq kimi tanıtdı.
Terror qurbanlarının xatirəsini ehtiramla yad edirik!
Fidan
