Ankarada Rusiyanın Türkiyədəki səfiri Andrey Karlovun ölümü ilə nəticələnən terror aktından sonra ölkənin daxili  işlər naziri Süleyman Soylu hadisə barədə ilk açıqlama verib.

Sfera.az türk media orqanlarına istinadən xəbər verir ki, Soylu TRT-yə açıqlamasında qatilin Mövlud Mərd Yalçıntaş adlı polis məmuru olduğunu bildirib. O, həmçinin hadisə yerində əlavə üç nəfərin də yaralandığını bildirib. Səfirin isə təcili xəstəxanaya aparılmasına baxmayaraq, vəfat etdiyini vurğulayıb. Onun sözlərinə görə, bu hadisə Türkiyə-Rusiya münasibətlərini iflic etmək üçün düşünülmüş ssenaridir. Lakin Rusiya tərəfi məsələnin profakasiya olduğunu və dövlətlərarası münasibətlərə zərər vurmağayacağını açıqlayıb.

Qeyd edək ki, bir neçə saat bundan əvvəl Türkiyədə silahlı hücuma məruz qalan Rusiyanın Türkiyədəki səfiri Andrey Karlov dünyasını dəyişib. Sərgi salonunda baş verən qətli törədən şəxs zərərsizləşdirilib.