Qətlə yetirilən qadının qonşusu - “Sonuncu dəfə birlikdə mehriban ailə yeməyi yedilər”
Xəbər verdiyimiz kimi, Mingəçevirdə 45 yaşlı Natella Çıraqova qətlə yetirilib. Cinayət əməlini törətməkdə onun övladı, 2003-cü il təvəllüdlü Çıraqov Rəşad Xalid oğlu şübhəli bilinib və polis əməkdaşları tərəfindən saxlanılıb.
Sfera.az-ın məlumatına görə, qonşular hadisə baş verən zaman səs-küy eşidərək qapını döyməyə başlayıblar, qapını açmağa cəhd göstərsələr də, lakin aça bilməyiblər.
Onların sözlərinə görə, N. Çıraqova ailəsini saxlamaq üçün bəzi vaxtlarda palaz yuyur, həmçinin süpürgəçilik edib:
“Ana, qızı və oğlu yaşayırdı, yoldaşı Kəlbəcərlidir. 2 il olar ki, ayrı yaşayırlar, lakin boşanmayıblar. Yoldaşı sonuncu dəfə yeni ildə gəlib uşaqlara dəydi, səssiz-səmirsiz getdi. Natella qızını da çətinliklə universitetdə oxudurdu. Bu il ikinci kursa başlayacaqdı. Ana-bala mehriban söhbət etdilər, sonuncu dəfə birlikdə yemək yedilər daha sonra oğlu həyətə düşdü. Ardınca anasını öldürdü”.
Ətraflı APA TV-nin videomaterialında:
