Nikol Şanahan: "O, Trampa görə geri çəkiləcək"

ABŞ prezidentliyinə müstəqil namizəd kiçik Robert Kennedi seçkidən çəkilmək və Respublikaçılar tərəfindən irəli sürülən Donald Trampı dəstəkləmək qərarına gələ bilər.
 

Sfera.az xəbər verir ki, bu barədə onun seçki kampaniyası üzrə silahdaşı Nikol Şanahan məlumat verib.
 

"Impact Theory" podkastına verdiyi müsahibədə Şanahan izah edib ki, kiçik Kennedi iki mümkün ssenarini nəzərdən keçirir: seçkidə iştiraka davam etmək və maliyyə almaq üçün ən azı 5% səs tələb edən yeni partiya yaratmaq.
 

“Lakin bu halda Kamala Harris və Tim Valsın qalib gələ bilməsi təhlükəsi var, çünki biz seçicilərin diqqətini Trampdan yayındıracağıq. Yaxud biz yarışı tərk edib Trampla birləşərək tərəfdarlarımıza bunu niyə etdiyimizi izah edə bilərik”, - deyə Şanahan əlavə edib.
 

Xatırladaq ki, ABŞ-də prezident seçkiləri noyabrın 5-də keçiriləcək. Yüksək post uğrunda mübarizəyə Demokratlar Partiyasından hazırkı vitse-prezident Kamala Harris və Respublikaçılar Partiyasından keçmiş prezident Donald Tramp daxil olacaq.

İnci

Sfera.az