Məşhur aktyor məişət zorakılığı ittihamı ilə həbs olundu - FOTO
Hollivud ulduzu Maykl Madsen məişət zorakılığı ittihamı ilə Kaliforniyada həbs edilib.
Sfera.az bildirir ki, Kventin Tarantinonun bir neçə filmində rol alan amerikalı aktyor Maykl Madsen həyat yoldaşının polisə müraciətindən sonra həbs edilib.
Avqustun 18-də bir qadın Los Anceles polisinə zəng edərək gecə yarısı həyat yoldaşının onu evin qarşısında itələdiyini və içəri kilidlədiyini bildirib. Aktyor Madsen bu ittihamla Malibuda saxlanılıb.
Qeyd edək ki, ABŞ-da məişət zorakılığı adətən 12 aya qədər həbslə cəzalandırılır. Madsenin 20 min dollar girov ödədikdən sonra həbsdən azad edildiyi bildirilir. 66 yaşlı aktyorun nümayəndəsi mediaya bunun Maykl və həyat yoldaşı arasında sadəcə kiçik bir fikir ayrılığı olduğunu bildirib. O, məsələnin hər ikisi üçün müsbət həll olunacağına ümid etdiyini əlavə edib. Onu da qeyd edək ki, Maykl Madsen 28 ildir “Stray Cats” musiqiçisi Brayan Setzerin keçmiş həyat yoldaşı De Anna Morqanla evlidir. Cütlüyün üç oğlu var.
Bu hal aktyorun ilk belə qanun pozuntusu deyil. Ulduz 2019-cu ildə də sərxoş halda avtomobilini dirəyə çırpması ilə nəticələnən qəzadan sonra dörd gün həbs və beş il sınaq cəzasına məhkum edilib.
Aysel
Sfera.az
