Rusiya Zaporojye və Xersondan Kurska QÜVVƏ GÖNDƏRDİ:"Oktyabrın 1-nə kimi…"

Rusiya Prezidenti Vladimir Putin Ukraynanın silahlı qüvvələrini Kursk vilayətindən çıxarmaq üçün bir aydan bir qədər çox vaxt verib. 

Sfera.az Ukrayna mediasına istinadən xəbər verir ki, bu tapşırığa uyğun olaraq Kursk vilayəti oktyabrın 1-nə kimi tam azad edilməlidir. 

Putinin göstərişinə əsasən, rus ordusu Kursk vilayətini azad etmək əmrini Rusiyanın Donbassda hücum əməliyyatı apardığı əsas ərazilərdən, ilk növbədə, Pokrovski və Toretski istiqamətlərindən qüvvələr çəkmədən həyata keçirməlidir.

Ukrayna mediasına açıqlama verən ukraynalı hərbi ekspert, Müdafiə Strategiyaları Mərkəzinin üzvü Viktor Kevlyukun hesab edir ki, Ukraynanın şərq cəbhəsindən qüvvə cəlb etmədən Kursku təmizləmək mümkün olmayacaq.

Onun məlumatına görə, artıq Zaporojye vilayətindən iki briqada, Xerson istiqamətindən isə ehtiyatdan iki hava hücum batalyonu Kursk istiqamətinə göndərilib:

“Bunlardan başqa Qara dəniz donanmasının Xerson istiqamətində olan 810-cu briqadası və Uqledar yaxınlığında döyüşən 155-ci dəniz briqadası da Kursk bölgəsinə göndərilib. Hətta 2024-cü ilin yazında çağırılmış çağırışçılar da köçürülür. Bu, Rusiyanın kifayət qədər əlavə qüvvə və ehtiyata malik olmadığını göstərir. Mövcud vəziyyət Kreml üçün həm də Kursk bölgəsi üzərində nəzarəti geri qaytarmaqdansa, Pokrovski və Toretski istiqamətlərində məhdud uğurların daha vacib olduğunu göstərir”. 

Vasif